هلو شلونكم
جان واكف يم سَهلة كالي جيبيلي مي
رحت اجيبلة و تخنست عليهم خاف اكو شيء ضامي عليه لان جملة جيبلي مي
اخاف منها لكيته يبوس بشاهين بقوة و يناغيلة
ارشد : الله وكيلچ تغار منو اخاف عليه منها هاي طرگاعة كلشي تسوي
يَاسمين : صدنااااااك شو هده هده
ضحك و خلا بأيد سَهلة
ارشد : شنو هالصخل هذا عمي هنا الگمر هنا الكيك
- كلام يفيدك
ارشد : حضري روحچ تاتكملين هالسنه معهد و گولي رجلي ما عوضني
چلبت برگبته و اني مبتسمه
- صدگ ؟ اخ يالحبيب يگلولي لا تحبي مايدرون هو شنو
لزمت ايده و اسوي حركات لسهلة و هي دكلة ولك اكتلها ادبها
ارشد : الله وكيلج ما اكدرلها هالقرچ هاي تتملعب على الگلب بكيفها
طلعت من الغرفة ووكفت يم الدرج اشرتله تعال
اجاني مبتسم
رفعني من الارض و صعدني للغرفة
ارشد : يــا احلى طرگاعة وگعت على راسي
ياسمين : احبك ارشد احبك
- روح ارشـد انتِ
كم يوم مَر و اتصل عليه الصبح كال بَدلي اني جاي على السريع بدلت و كشخت مستغربة وين ياخذني خليت شاهين يم سَهلة و طلعتلة
اكلة وين يكلي نوصل و تدحكين
استغربت اكثر من وصلنة المحكمة
واكفين ننتظر و بعدها دخلنه كعدت بصفة و كأني شكيت بالشخص الي راح يدخل
دخل ابو فزعة و المكار و ناس غُربة و دخلو اثنين منتسبين لازمين عمي
و القماش بوجهة
بده المحامي يقدم جرائمه وحده وحدة و فتح التسجيل الصوتي الي يعترف بي هو ملفق قتل اهلي و شلون يتلف بوايرات السيارة حتى على اي لحظة تنگلب بيهم و السبب راد ابوية يشهد شهادة زور و ما قبل و ضل متحلفله
و جريمتين قتل ثانية و الادله صور
وبعدها قدم اتهامات التزوير وحدة وحدة و سرقة السلاح من الدولة
عَم الصمت من دقة مطرقة القاضي
- حكمت المحكمة على فؤاد معصوم حَسب الماده ...
بالاعدام شَنقاً حتى الموت
لا جان اله احد متأثر و لا هو استغرب كأنه ضامن الاعدام لنفسة
لزم ايدي ارشد و مسح دموعي الي ما اتذكر شوكت نزلت وصلنه
يمة باوعلي بأستغراب لان طول الفترة هو يباوع بس للقاضي
فؤاد : ياسمين ؟
ياسمين : اي يا احقر عَم شفته بحياتي الله ينتقم منك ان شاء الله
باوع لارشد و كاله
فؤاد : مو كتلك لا دكللها ؟ اندمك
ياسمين : ما حزرت لا انتَ و لا غيرك تندمو
هذا الـي ضمني بالوكت الي انتَ شمرتني بي
فؤاد : ياسمين
2
لزمت ايد ارشد و كتله يالله خلي نروح طلعنة و اني انهاريت بالبچي
انفتحت جروح گلبي واحد واحد و هو يهدأ بيه
ارشد : يولي اخذتج تاتفرحين مو تبچين
- كتل اهلي لسبب تافه
- عيشي و دحكي اشكال المصايب يولي ، اني امچ و اني ابوچ
كل يوم بوجود ارشد وياي بـ بيتنة احلى من الثاني يجينه و بأيده علاليگ المسواگ
و احتياجات الاطفال .. المنشفة على راسي و طبيت
هو يتصل وي ابو فزعة صدمني من سمعتة يگلة
ابو فزعة: يا ابو شاهين اني رايد وحدة من بنات ابو قيصر
جا بس انتو اخذتو من جماعتنة
ارشد : هههههههههه الك تستاهل ابو فزعة
فرحت و حجيت بگلبي اكيد قاصد سمر لان بس هي شايفها
باوعت للمرايا
اجتني لحظة ادراك اني من شلنه للبيت لحد هسة ما اجتني الشهرية
باوعتله بصدمة
- ارشدددددد اني يمكن حاااااامل
ارشد : لا يولي نامي رغـد
- امشي جيبلي تحليل
- اي و اني و شواربي اطب اكله اريد اختبار لمرتي
كمت ابجي بصوت عالي و هو يقنع بيه والله مو حامل وًحاصرته الضحكة
تالي استغفر و كام بدل و طلع شوية و اجه شمره بحضني
ارشد : اذا مو حامل و شرفي يا قرچ اكتلچ كتله تسوه عمرج
اخذته و رحت للحمام و يا صدمتي من طلعت حامل
طبيت للغرفة افرفح عبالك عندي عزه و هو يقنع بيه
ارشد : يولي مو بيدي كلو بيد رب العالمين هو يرزق بكيفة
ضربته و نزلت لسهلة انصدمت شافت حالتي كتلها هم حامل هم حامل
هذا ابنج يريد يموتني يريد يجلطني هو وراي كال
ارشـد : عجل و اني شمدريني انتِ بزونه
سهلة : لا يالحبيب انتَ فحل
بنص اللطم ضحكت و هو غص من الضحك و سهلة استحت من حچايتها
عدت ايام و اني ما احجي ويا خليته ينجلط تالي اجاني بيوم سُكره مرتف
و متخربط توازيت اصالحة و من تحسن رجعت زعلت اجة حاوطني
و هو مبتسم
2
ارشـد : چـنت ضايج لان صفيت بلا عَشيرة هساع احنة صرنة عشيرة
ضربتة بصدرة قوي
ياسمين : اي تكثر النسل براسـي
ارشد : عجل و هو اكو احلى من نَسلچ طراگيع صغار و انتِ الطرگاعة الچبيرة
بست خده
يَاسمين : اخ من الحَبيب اخ تعبني
2
ارشد : يـا طرگاعة أرشد العوضتو الدنيا كلها
الى هُنا و يَسقط جسر رِتبة و ظفيرة ...
فَحل الغربية و طرگاعتـة
مَنصور و إم كـرامـة
سميحة و هَيثمـها 💔
....
رُسـل فَــهـد
النهاية
ليست هناك تعليقات:
إرسال تعليق